Educación y Cultura van poner en marcha una comisión mista pa coordinar la enseñanza del asturianu

El grupu va establecer el profesoráu que va ellaborar les pruebes de certificación

Niveles de capacitación llingüística
Niveles de capacitación llingüística

La Conseyería d'Educación y la de Cultura, Política Llingüística y Turismu van poner en marcha una comisión de trabayu «mista y paritaria» pa encadarmar tolos temes referentes a la enseñanza de la llingua asturiana.

Asina se recueye nun decretu del Boletín Oficial del Principáu d'Asturies (BOPA) publicáu esti vienres 31 de xineru y recoyíu por Europa Press, onde Cultura delega na Conseyería d'Educación, al traviés de la Dirección Xeneral d'Ordenación, Evaluación y Equidá Educativa, les competencies pa la convocatoria y evaluación de les pruebes pa los certificaos de llingua asturiana, amás de la so espedición. Con too, va ser Cultura la encargada de coordinar y dirixir les titulaciones.

Por eso, va ponese en marcha una comisión mista de trabayu que va establecer el profesoráu que va ellaborar les pruebes de certificación. Asina, va ser responsabilidá de la Conseyería d'Educación el so nomamientu como ellaboradores de les pruebes, con una primer convocatoria nesti 2020 pal nivel B2 y pa un máximu de 500 aspirantes, informa Europa Press.

Otra manera, la comisión tamién va tener qu'examinar otros temes referentes a la enseñanza reglada de la llingua asturiana, como la formación del profesoráu, les titulaciones o los llibros de testu.

Comentarios

Educación y Cultura van poner en marcha una comisión mista pa coordinar la enseñanza del asturianu

Cola ayuda de