Podemos reclama la reforma del Estatutu pa incluyir la oficialidá d'asturianu y gallego-asturianu
ACTUALIDÁ
Palacios calificó de «esencial» tresmitir y caltener los conocimientos y les cultures tradicionales como manera de fomentar la tolerancia y la educación
22 feb 2020 . Actualizado a las 17:47 h.El diputáu de Podemos Asturies, Rafael Palacios, reclamó al restu de formaciones polítiques del Parllamentu autonómicu abrir la reforma del Estatutu d'Autonomía pa que se reconoza la oficialidá del asturianu y del gallego-asturianu. Coincidiendo col 21 de febreru, Día Internacional de la Llingua Materna, el diputáu de la formación morada calificó de «esencial» tresmitir y caltener los conocimientos y les cultures tradicionales como manera de fomentar la tolerancia y la educación.
Por eso, Palacios recordó que nestos momentos les formaciones polítiques que defenden la oficialidá na Xunta Xeneral sumen mayoría, polo que propunxo abrir la reforma del Estatutu pa que se reconoza la oficialidá del asturianu y del gallego-asturianu, informa Europa Press.
«Nun se trata d'imponer, sinón d'escuchar a la sociedá asturiana que ta reclamando que naide sía discriminao pola manera de falar, sía en castellanu, asturianu o gallego-asturianu», indicó, p'añadir que la llucha pola oficialidá ye «una llucha democrática que reclama llibertaes y derechos que tán recoyíos nel artículu 3 de la Constitución española».
