L'importe total podría variar ente los 171 y 572 millones d'euros
22 jul 2020 . Actualizado a las 05:00 h.La reciente sentencia del Tribunal de Xusticia de la Unión Europea (TXUE) puede tener importantes consecuencies n'Asturies. L'asociación de consumidores Adicae cifró en cuasi 230.000 los usuarios afectaos nel Principáu polos gastos hipotecarios qu'han de ser devueltos poles entidaes financieres. L'importe total podría variar ente los 171 y 572 millones d'euros.
El TXUE decidió la selmana pasada que les cantidaes pagaes en conceutu de gastos d'hipoteca derivaes d'una clausa declarada abusiva tienen de ser devueltes al consumidor sacantes el derechu nacional disponga lo contrario.
Esto ye, que si se declara nula una clausa abusiva qu'impón al veceru'l pagu de tolos gastos de constitución y cancelación d'una hipoteca, el Derechu comuñal oponse a que'l xuez nacional niegue al consumidor la devolución de les cantidaes abonaes en virtú d'esa clausa.
Pal tribunal con sede en Luxemburgu, eso ye asina sacantes les disposiciones de Derechu nacional aplicables impongan al consumidor el pagu de la totalidá o d'una parte d'esos gastos.
L'asociación de consumidores Adicae calculó, con datos del INE y del Bancu d'España, qu'hai 229.055 usuarios asturianos a los que se-yos aplicó la clausa abusiva d'imposición de gastos, sumando tanto les hipoteques actuales como les cancelaes nos últimos años. L'importe total podría bazcuyar ente 171 y 572 millones d'euros.
Tres el fallu del TXUE, fontes bancaries recordaron que la sentencia namás ye aplicable en casu de la que la cláusula fuera declarada abusiva por un tribunal, lo que lleva a valorar cada casu concretu.
Nesti contestu, Adicae impulsó una campaña pa que los consumidores se xunten a les demandes colectives que l'asociación foi presentando escontra más de 100 entidaes.