El TSXA anula la ordenanza d'usu del asturianu de Noreña

La sentencia da la razón al PP, que pidió la so nulidá al entender que la ordenanza suponía una declaración d'oficialidá

Mercedes Fernández carga con la oficialidad con una imagen de carteles bilingües
Mercedes Fernández carga con la oficialidad con una imagen de carteles bilingües

Redaccion

La Sala de lo Contencioso Alministrativu del Tribunal Superior de Xusticia d'Asturies (TSXA), decidió anular por nun ser «conforme a derechu» la Ordenanza d'Usu del Asturianu de Noreña qu'aprobara'l Conceyu n'ochobre del 2016. La sentencia da la razón al PP, que pidió la so nulidá al entender que la ordenanza suponía una declaración d'oficialidá.

Na sentencia, unviada a los medios pol mesmu PP y contra la que se pue interponer recursu de casación, el recurrente -el conceyal popular en Noreña Luis Miguel Suárez González- alegó que ye un fechu incuestionable que'l «bable» nun ye una llingua cooficial nel Principáu d'Asturies, amás de la incompetencia del Conceyu demandáu p'aprobar dicha Ordenanza.

Pal PP, la ordenanza vulneraba la Constitución y l'Estatutu d'Asturies y omitía la valoración económica, «cuando se contemplen midíes que suponen un gastu con clara incidencia económica».

El Tribunal Superior señaló que ye un «fechu incuestionable» que l'asturianu nun ye llingua coooficial, amás de la incompetencia del Conceyu de Noreña p'aprobar la Ordenanza mentada, porque, al so xuiciu, l'artículu ún de la mesma vulnera la Constitución y l'Estatutu d'Autonomía al establecer que l'asturianu ye, xunto al castellanu, la llingua propia del Conceyu de Noreña, «de l'Alministración Local y de les alministraciones públiques que d'ella dependen».

Pa la TSXA esi «xunto a» supón que'l Conceyu ta declarando la oficialidá del asturianu, «cuando esto ye dalgo que tien que contemplase nel Estatutu d'Autonomía». Amás, señalaron que la Ordenanza omite toa valoración económica «y contémplense midíes que suponen un gastu con clara incidencia económica y a pesar d'ello nun existe informe económicu dalgún nin memoria económica», dalgo polo que solicitó la so anulación.

Valora este artículo

2 votos
Tags
Comentarios

El TSXA anula la ordenanza d'usu del asturianu de Noreña