Iniciativa acusa al Principáu de «arrequexar» la llingua asturiana na programación del Día d'Asturies
ASTURIAS
La asociación denunció que'l spot institucional del Día d'Asturies ta locutáu namás en castellanu y los cartelos n'asturianu con «lletra illexible»
07 sep 2018 . Actualizado a las 13:28 h.L'asociación Iniciativa pol Asturianu acusó al Executivu autonómicu de «arrequexar» la llingua asturiana a los actos propios de la Selmana de les Lletres, mentes qu'esti 8 de setiembre, Día d'Asturies, esti idioma tien «poca presencia».
Al traviés de nota de prensa, l'asociación demandó una mayor presencia de la llingua asturiana dientro de la organización de los actos, qu'esta edición concéntrense nel conceyu de Casu.
«L'asturianu tien que ser un elementu fundamental a la hora de facer una programación como la del Día de Asturies», señaló'l presidente d'Iniciativa, Inaciu Galán.
Nesi sentíu, denunció que'l spot institucional del Día d'Asturies ta locutáu namás en castellanu, mentes que nos cartelos l'idioma autóctonu aparez con «lletra illexible», lo que dexa en «testimonial y invisible» la presencia del asturianu «nel día que xustamente ye de celebración de les señes d'identidá de Asturies» .