El secretariu xeneral de Podemos conmemoró el día con un poema de Vanessa Gutiérrez recitau pola diputada Sofía Castañón
27 sep 2018 . Actualizado a las 11:06 h.El secretariu xeneral de Podemos, Pablo Iglesias, celebró'l Día Européu de les Llingües, que se conmemora esti miércoles 27 de setiembre, col poema n'asturianu «Patria», de la escritora Vanessa Gutiérrez.
Nun tweet, el políticu xubió un vidéu onde la diputada por Asturies d'Unidos Podemos, Sofía Castañón, recita esti poema de l'autora mierense.
«Nel #DíaEuropeoDeLasLenguas celebramos la diversidá llingüística y la riqueza cultural qu'ufre a Europa y a España. Saoirse. Egyenloség. Fraternidade. Sofía Castañón, n'asturianu», pue lleese en castellanu nel tweet acompañáu del video.
Precisamente, Vanessa Gutiérrez tamién tuvo un protagonismu políticu colateral esti martes nel Congresu nel debate sobre les llingües oficiales y l'accesu al empléu públicu.
Asina, dende Unidos Podemos, Joan Mena punxo en valir la riqueza cultural d'España, mentando a autores en castellanu como Gloria Fuertes, en gallegu como Rosalía de Castro, la catalana Mercè Rodoreda, el vascu Bernart Etxepare y a les asturianes Berta Piñán y Vanessa Gutiérrez.
Vanessa Gutiérrez (Mieres, 1980) ye una de les escritores en llingua asturiana más afalagaes pola crítica gracies a obres como «Onde seca l'agua», «La danza la yedra», «La cama» o «El paisaxe nuestru».