El primer rector que imparte una conferencia n'asturianu

La voz REDACCION

ASTURIAS

El químico italiano Enrico Clementi (i) fue investido Doctor Honoris Causa durante un solemne acto celebrado en el Paraninfo de la Universidad de Oviedo presidido por el rector Santiago García Granda (2d).
El químico italiano Enrico Clementi (i) fue investido Doctor Honoris Causa durante un solemne acto celebrado en el Paraninfo de la Universidad de Oviedo presidido por el rector Santiago García Granda (2d). Juan González

Santiago García Granda va falar esti xueves de «Notes sobre la investigación na Universidá d'Uviéu» la primer vegada que se fai'n 400 años d'historia

07 nov 2018 . Actualizado a las 16:43 h.

La Conseyería d'Educación y Cultura celebra la octava edición del Día de les Ciencies Asturianes con dos actividaes divulgatives centraes na investigación y la tecnoloxía al serviciu de la humanidá. Ente elles una conferencia del rector de la Universidá d'Uviéu, Santiago García, y una charla d'Amador Menéndez Velázquez

Per un llau, el rector de la Universidá d'Uviéu, Santiago García Granda, va impartir esti xueves la conferencia 'Notes sobre la investigación na Universidá d'Uviéu', nel salón d'actos del Muséu Arqueolóxicu d'Asturies, a les 19.30 hores.

La so intervención va centrase nel llabor de la institución académica, onde alredor de dos mil investigadores desenvuelven el 80% de la I+D+i de la comunidá. Asina, García Granda va convertise nel primer rector qu'imparte una conferencia dafechu n'asturianu nos sos más de 400 años d'historia.

Per otru llau, el científicu Amador Menéndez Velázquez va dar una charla divulgativa a escolinos esti vienres, 9 de payares, a les 12.00 hores, na Casa la Cultura de La Pola Llaviana. Col títulu «Tecnoloxía al serviciu de la humanidá», va presentar les posibilidaes qu'ufierta la tecnoloxía a la hora d'encarar dalgunos de los retos más importantes de la sociedá actual.

Menéndez ye doctor en Química pola Universidá d'Uviéu y trabaya anguaño nel Institutu Tecnolóxicu de Materiales d'Asturies (ITMA), depués de pasar pel Conseyu Superior d'Investigaciones Científiques, el Llaboratoriu Européu de Radicación de Sincrotón, el Centru d'Investigación en Nanomateriales y Nanotecnoloxía (CINN) y l'Institutu Tecnolóxicu de Massachusetts (MIT), ente otros, informó Europa Press.

El Día de les Ciencies Asturianes coincide cola celebración nesti mes del Día Mundial de la Ciencia pa la Paz y el Desarrollu. Esta cita ufierta la posibilidá d'amosar la importancia de la ciencia na vida diaria y favorecer el debate. El tema d'anguaño ye «La ciencia, un derechu humanu», porque nel 2018 conmemórase'l 70.u aniversariu de la proclamación de la Declaración Universal de los Derechos Humanos.