La reforma educativa descentraliza la escolarización nes llingües cooficiales

El repartu de competencies será «basáu na cooperación y la llealtá institucional» y que seya «respetuosu col marcu constitucional»


Redaccion

La reforma educativa que prepara'l Gobiernu espera desaniciar la regulación estatal del usu de la llingua cooficial y de la escolarización asociada a ella, dexando que la so regulación correspuenda a les Comunidaes Autónomes nes qu'hai llingua cooficial. Esta supresión, va afectar, ente otros aspectos a la regulación de la exención de cursar o ser evaluáu na llingua cooficial.

Asina consta nun documentu unviáu pol Ministeriu d'Educación a les principales organizaciones educatives. El Gobiernu sometió a consulta pública otru documentu sobre los principios xenerales de la reforma, pero más curtiu que l'unviáu a les organizaciones educatives.

El testu nuevu, al que tuvo accesu Europa Press, lleva por títulu «Propuestes pal cambiu de la Llei Orgánica d'Educación», y va acompañáu d'una carta del secretariu d'Estáu Alejandro Tiana, na qu'asegura que'l Ministeriu quier que la norma nueva cuente col «consensu posible mayor».

Desaniciar la regulación estatal de la llingua cooficial ye una midida enmarcada nel oxetivu de facer «una regulación de les competencies ente l'Estáu y les CC.AA respetuosa col marcu constitucional y basáu na cooperación y la llealtá institucional».

Por eso, tamién plantea facer una regulación d'alcuerdu cola sentencia del Tribunal Constitucional qu'anula'l sistema establecíu pola LOMCE pa garantizar la escolarización en castellanu en Cataluña y qu'obligaba a la Generalitat catalana a sufragar un colexu priváu a aquellos padres que solicitaren la escolarización en castellanu cuando nun pudieren llograla nel sistema públicu.

Educación tamién plantea retomar la distribución de competencies ente l'Estáu y les CC.AA pa la determinación del currículu de les materies, asignáu'l 55/65% al Estáu.

Valora este artículo

0 votos
Comentarios

La reforma educativa descentraliza la escolarización nes llingües cooficiales