Tormenta en tuiter con #YoFaloAsturianu

La Voz REDACCION

ASTURIAS

La manifestación por la oficialidad
La manifestación por la oficialidad TM

Los falantes d'asturianu responden a Pablo Casado con esi hashtag por decir que se quier oficializar «el bable que naide fala»

14 nov 2018 . Actualizado a las 16:49 h.

La comunidá d'asturfalantes en Twitter ta respondiendo al presidente del PP, Pablo Casado, col hashtag #YoFaloAsturianu, depués de qu'esti censurara que los socialistes pretendieran oficializar «el bable que naide fala».

Les palabres de Casado nun almuerzu informativu entamáu por Nueva Economía Forum y que se celebró n'Almería vinieron a cuenta de la propuesta de reconocer el vascu en La Rioxa y del tratu que quier dar el PSOE a les llingües cooficiales.

Ellí, el presidente del PP censuró que'l PSOE quiera oficializar «el bable que naide fala" n'Asturies, el catalán n'Aragón, la inmersión llingüística en Valencia y Baleares o que Navarra sía euskaldun dafechu, asumiendo hasta los sos símbolos».

«Ye la mio llingua»; «Nun falo asturianu y nun cuestiono la so importancia. Tampoco nun soi médicu y nun cuestiono los sos diagnósticos. Cola cultura y la historia nun se xuega»; «Porque somos munchos los que tamos arguyosos de falar la nuestra llingua, la llingua d'Asturies»; «Porque me lo tresmitieron mios güelos y quiero tresmitilu a les nueves xeneraciones»; o «Tendríamos que sentinos arguyosos de toles llingües d'España y nun tratar d'enfrentar a la población con elles. Nun son preseos políticos», son dalgunes de les respuestes que-y tan dedicando al líder popular dende twitter, señaló Europa Press.