Iniciativa pide a los partíos que pongan al frente de RTPA un director «qu'apueste pol asturianu»
ASTURIAS
La organización recuerda qu'actualmente la mayoría de los miembros del Conseyu d'Alministración pertenecen a partíos que lleven la oficialidá nel so programa
05 feb 2019 . Actualizado a las 12:37 h.Iniciativa pol Asturianu esixe a los partíos con representación nel Conseyu d'Alministración de RTPA --PSOE, PP, Podemos, Foru y IX--que nomen un director o directora «qu'apueste por polítiques de programación que contribuyan a normalizar l'asturianu y el gallego-asturianu».
Al traviés de nota de prensa, la organización posicionóse depués de que'l director xeneral de RTPA, Antonio Virgili, comunicara esti llunes al Conseyu d'Alministración que va arrenunciar al cargu na xunta del 4 de marzu. Los motivos son personales, según confirmaron a Europa Press fontes cercanes a la RTPA.
Por eso, Iniciativa recuerda'l papel de los medios de comunicación na normalización d'una llingua y recuerda qu'actualmente la mayoría de los miembros del Conseyu d'Alministración pertenecen a partíos que lleven la oficialidá nel so programa y que'l porcentaxe actual d'emisión n'asturianu ye del 1 por cientu.
«Depués de cásique tres llustros d'emisiones, llegó la hora de dar un xiru a la situación actual y apostar d'una vez por toes por una RTPA que contribuya a normalizar l'asturianu y el gallego-asturianu», indiquen pa finalizar.