Asturies ye un país para escuchar

La 2 entrevista a artistes como Rodrigo Cuevas, Víctor Manuel, Nacho Vegas, Mar Álvarez o Las Eléctricas

Jorge Martínez, líder d'Illegales, va emponer a Ariel Rot n'Asturies
Jorge Martínez, líder d'Illegales, va emponer a Ariel Rot n'Asturies

UVIÉU

El programa de La 2 Un país para escucharlo visita esta selmana Asturies. Guiáu por Jorge Martínez, líder d'Ilegales, van salir artistes como Rodrigo Cuevas, Víctor Manuel, Nacho Vegas, Mar Álvarez o Las Eléctricas. Un país para escucharlo viaxa al norte nel so tercer episodiu. Ariel Rot llega a Asturies pa conocer los sos llugares y soníos de la mano d'un mitu del rock como Jorge Martínez, líder d'Ilegales. Con él va vese, na ilesia de Santa María del Naranco, n'Uviéu, al músicu Rodrigo Cuevas. Y, na mesma ciudá, va ver a Lorena Álvarez.

El programa va tar nel Centru Niemeyer d'Avilés con una de les figures más importantes de la música popular asturiana, Víctor Manuel. El veteranu cantautor va recordar parte de la so trayectoria y va presentar a Ariel una figura nueva de la tonada tradicional, Marisa Valle Roso. En Xixón, Ariel va conocer l'ambiente indie rock que tuvo la ciudá. Nun podía faltar Nacho Vegas, que va compartir cantares inéditos y va falar con Pablo Und Destruktion. Nuna de les más emblemátiques sales de conciertos, van tocar y van falar de rock con Igor Paskual. Amás, Un país para escucharlo va ser testigu del cambiu xeneracional que se ta produciendo nesi movimientu que se conoció como Xixón Sound. Mar Álvarez (Pauline en la Playa, Undershakers, Petit Pop) va mostrar la so escuela de música pa los más mozoa y al so primer grupu insinia, Las Eléctricas. P'acabar, Jorge va llevar a Ariel al so local d'ensayu pa mostra-y la escelente forma que caltién el so grupu, Ilegales, informa Europa Press.

Comentarios

Asturies ye un país para escuchar