«Nun seyas presa de la talla»: la orixinal campaña de l'Asociación de Mujeres Jóvenes de Asturias

L'oxetivu ye reivindicar un periodu braniegu saludable y la pluralidá de los cuerpos diversos y reales

Servilletes de l'Asociación de Mujeres Jóvenes de Asturias
Servilletes de l'Asociación de Mujeres Jóvenes de Asturias

Redacción

El branu ye tiempu pa esfrutar y pa evitar esmoliciones innecesaries. Ye tiempu de sablera, de terraces y de compartir momentos con familia y amigos, y dende la Federación de Mujeres Jóvenes de Asturias sumáronse a una campaña nacional qu'anima a mostrase ensin complexos. El so oxetivu ye reivindicar un periodu braniegu saludable y la pluralidá de los cuerpos diversos y reales. Pa ello punxeron en marcha una orixinal campaña col lema «Nun seyas presa de la talla».

La federación pretende sensibilizar a tola población y facela parte d'esta acción social gracies al repartu masivu de serviyetes en distintos chigres d'Asturies. Ye una campaña que ta en marcha en toa España y que nel Principáu inclúi eslóganes como'l de «Quierte tu. Quierte bien».

Yá son dellos los establecimientos que se sumaron a la iniciativa y nos que pueden vese estes serviyetes. Los negocios que formen parte de la propuesta van ser anunciaos nes redes sociales de la federación como collaboradores. 

Ye una iniciativa subvencionada pol Ministeriu de Sanidá, Consumu y Bienestar Social y articúlase en tol país col lema #VeraneoConSalud. A nivel nacional entámase un concursu al traviés de la so cuenta de Instagram coles mires de promover la interacción al traviés de mensaxes que fomenten l'autoestima y l'aceptación.

Valora este artículo

4 votos
Tags
Comentarios

«Nun seyas presa de la talla»: la orixinal campaña de l'Asociación de Mujeres Jóvenes de Asturias