Milleiros de fieis reviviron onte en Santa Baia de Losón os rituais da festa relixiosa, que non deixa de gañar adeptos Un rebulir de devocións, de mans acariciando o manto da Santa, de mans «cravadas» na cruz logo de mergullarse na auga bendicida, de mans suplicanetes. Dicían moitos dos que onte se achegaron ó santuario de Losón que «O Corpiño xa non é coma daquela», o dos berros implorantes na búsqueda dun remedio para os males da cabeza e o espíritu, o do saca-lo meigallo, o dos choros incesantes. Sen embargo, os fieis volveron a contarse onte por milleiros, tamén voltaron os empurróns por levar o arrecendo do manto da Virxe, que se encheu, esta vez, de euros. Iso sí, á romería mariana sáenlle a cada ano que pasa máis canas.
RAQUEL TORRES