Senén Rouco

Últimos artículos publicados

05 jun 2025
Alba Tuñas (esquerda) e Israel Temprano (dereita), co presentador de «De 0 a 100», Iago García (centro).

Alba Tuñas e Israel Temprano: «Coas baterías dos coches eléctricos hai moitos mitos, duran moito e degrádanse pouco»

«De 0 a 100» achégase á cátedra LISTE-Resonac, na que esta última empresa, líder mundial na produción de grafito industrial, colabora con investigadores do Centro Interdisciplinar de Química e Bioloxía (CICA) da Universidade da Coruña co obxectivo de mellorar o almacenamento de enerxía en baterías. O programa de La Voz en colaboración coa consellería de Educación levou aos seus responsables a explicar o proxecto ao IES Monte das Moas da cidade herculina. 
O grafito ten múltiples aplicacións e pode obterse, ademais de na minaría, de forma sintética. Resonac, multinacional xaponesa con instalacións no polígono de Agrela, en A Coruña, é un dos principais provedores en todo o mundo deste valioso material. Un compoñente fundamental ademais dentro das baterías dos dispositivos electrónicos que empregamos cada día e nos cada vez máis presentes coches eléctricos. Tendo isto en conta, produciuse recentemente a alianza entre este empresa e investigadores do LISTE (Laboratorio de Investigación de Sistemas para la Transición Energética), dependente do CICA (Centro Interdisciplinar de Química e Bioloxía) da Universidade da Coruña (UDC). 
«Boa parte do grafito que conteñen as baterías provén sobre todo de China, por iso é tamén un material estratéxico que debemos ter en Europa e, en Resonac, queremos facelo dende Galicia», explicou Alba Tuñas, directora do proxecto de grafito para baterías da compañía, aos alumnos do IES Monte das Moas de A Coruña. 
Centro educativo, no que por certo, estudou Israel Temprano, investigador principal do LISTE e asociado da prestixiosa Universidade de Cambridge. «Dado que a cuarta parte do peso dunha batería é o grafito, un elemento que facilita a carga e a descarga mediante unha reacción electroquímica, estamos traballando arredor dese material para facelas máis duradeiras, con maior almacenamento e capaces de cargar en pouco tempo», sinala sobre os obxectivos da cátedra que comparte con Resonac. 
Ámbolos dous destacaron os avances que se produciron nos últimos tempos neste eido: «Hoxe en día, en menos de 10 minutos tes autonomía para máis de 400 kilómetros. E co software que incorporan de control de carga e os novos compoñentes, degrádanse moi pouco. Eses mitos xa non existen».

IAGO GARCÍA / SENÉN ROUCO / ÁLEX LÓPEZ-BENITO / JORGE GARCÍA

22 may 2025
César de la Fuente, en «De 0 a 100»: «Obtenemos potenciales antibióticos en horas, en vez de en años de trabajo»

César de la Fuente, en «De 0 a 100»: «Obtenemos potenciales antibióticos en horas, en vez de en años de trabajo»

O biotecnólogo e catedrático da Universidade de Pensilvania volveu ao que foi o seu instituto, o IES Eusebio da Guarda de A Coruña, para detallar no programa de La Voz en colaboración coa consellería de Educación, como aplica a intelixencia artificial na loita contra virus e bacterias superresistentes

IAGO GARCÍA / SENÉN ROUCO / ÁLEX LÓPEZ-BENITO / JORGE GARCÍA / ÁNGEL MANSO

11 jun 2025

César de la Fuente, en «De 0 a 100»: «Obtenemos potenciales antibióticos en horas, en vez de en años de trabajo»

O biotecnólogo e catedrático da Universidade de Pensilvania volveu ao que foi o seu instituto, o IES Eusebio da Guarda de A Coruña, para detallar no programa de La Voz en colaboración coa consellería de Educación, como aplica a intelixencia artificial na loita contra virus e bacterias superresistentes

IAGO GARCÍA / SENÉN ROUCO / ÁLEX LÓPEZ-BENITO / JORGE GARCÍA / ÁNGEL MANSO

15 may 2025

Luis Pérez Freire, director xeral de Gradiant: «A IA non trata só de ter datos, senón de entender o que significan»

O marinense Luis Pérez Freire volveu ao que foi o seu instituto para compartir a súa traxectoria profesional, vencellada nos últimos 15 anos a Gradiant, centro tecnolóxico con sede en Vigo ao que se incorporou en 2009 para liderar a área técnica de procesado e seguridade multimedia. 
Pérez Freire explicou que Gradiant axuda a múltiples empresas a aproveitar as vantaxes da dixitalización para ser máis competitivas a través de tres áreas principais de investigación: a conectividade, a ciberseguridade e a intelixencia artificial. «Procuramos adiantarnos ao futuro e así estar preparados para o que demandan os nosos clientes», explicou na biblioteca do IES Illa de Tambo de Marín. «Son pemes, de non máis de 50 empregados e que traballan no sector tecnolóxico, as que máis botan man dos nosos recursos», sinalou quen dende hai unha década é director xeral da entidade. 
En Gradiant, xa teñen en marcha proxectos centrados nas redes 6G, que sucederán ás 5G de conexión inalámbrica, facilitando non só maior ancho de banda, senón unha latencia ou tempo de retardo mínimo, o que nun futuro próximo permitirá democratizar tecnoloxías como a conducción autónoma ou as operacións cirúrxicas a distancia. A finais deste mesmo ano, Gradiant consolida a súa aposta coa IA lanzando unha nova empresa: «Levaremos ao mundo real investigacións que fixemos nese eido, comercializando unha solución para mellorar o tratamento de enfermidades crónicas en hospitais e centros de saúde».

IAGO GARCÍA / SENÉN ROUCO / ÁLEX LÓPEZ-BENITO / JORGE GARCÍA

08 abr 2025

María del Mar Tomás, en «De 0 a 100»: «Resensibilizamos a las bacterias para que los antibióticos sean más efectivos»

A microbióloga e investigadora do Instituto de Investigación Biomédica de A Coruña (INIBIC), compartiu con alumnos do IES de Monelos da cidade herculina os seus coñecementos sobre a cada vez máis frecuente resistencia das bacterias aos tratamentos no progama que La Voz realiza en colaboración coa Consellería de Educación. 
Tomás, nada en Granada, pero vinculada con Galicia a nivel profesional, lidera un grupo investigador que está empregando fagoterapia para debilitar as bacterias e que os antibióticos recuperen a súa efectividade. «Podríamos denominar a esos fagos como "virus buenos", con ellos debilitamos las bacterias y conseguimos que la medicación siga siendo efectiva», detallou no seu encontro con mozos e mozas de 4º da ESO. 
Un dos maiores logros nos últimos anos do INIBIC neste eido foi a creación da primeira biblioteca de bacterias ultrarresistentes, na que consultar o ADN destas cepas. «A partir de ahí ya sabemos las proteínas que contienen al detalle para diseñar nuevos tratamientos, tests diagnósticos y vacunas», explicou na biblioteca do centro coruñés. No futuro esa base de datos, conxugada co emprego de algoritmos de Intelixencia Artificial, permitirá obter aínda mellores resultados.

IAGO GARCÍA / SENÉN ROUCO / ÁLEX LÓPEZ-BENITO / JORGE GARCÍA

27 mar 2025

Victoria Otero, en «De 0 a 100»: «A titulación en matemáticas non é fácil porque aprendes a razoar de forma distinta»

A recentemente nomeada presidenta da Real Sociedad Matemática Española visitou o IES Rosalía de Castro, en Santiago, para falar da súa longa traxectoria, que inclúe unha estadía en Nova York coma investigadora de IBM, no programa de La Voz en colaboración coa Consellería de Educación. 
Otero, que foi decana da facultade de Matemáticas da USC entre 2009 e 2017, animou especialmente ás mozas a estudar titulacións científicas para rematar coa menor presenza de mulleres nas aulas neste tipo de graos. «Temos moitos referentes femininos, como é o meu caso, unha persoa normal que naceu nun pequeno pobo de Lugo e acadou altos niveis: con esforzo podemos chegar a onde queiramos chegar», explicou na biblioteca do centro compostelán. 
Especializada en sistemas dinámicos, aqueles capaces de predecir valores dunha determinada magnitude e obter así respostas a problemas ou necesidades do mundo real, a lucense leva publicados preto de 70 artigos publicados en revistas científicas. Ademais ten liderado case medio cento de proxectos de investigación dende o Centro de Investigación e Tecnoloxía Matemática de Galicia (CITMaga).

IAGO GARCÍA / SENÉN ROUCO / ÁLEX LÓPEZ-BENITO / JORGE GARCÍA / XOÁN A. SOLER

20 feb 2025
Verónica Bolón, investigadora do CITIC e profesora da UDC.

Verónica Bolón, Premio Nacional de Investigación 2024: «A mellora dos diagnósticos médicos é xa unha realidade coa IA»

A carballesa volveu ás aulas do IES Alfredo Brañas da capital de Bergantiños nunha nova edición de «De 0 a 100», o programa de La Voz en colaboración coa consellería de Educación. O alumnado compartiu coa investigadora e enxeñeira informática os retos, presentes e futuros, da Intelixencia Artificial, a súa especialidade. 
Verónica Bolón foi en 2022 a muller máis nova en ingresar na Real Academia de Ciencias Exactas, Físicas e Naturais e vén de gañar no ano 2024 un Premio Nacional de Investigación. Uns galardóns que supoñen «recoñecer o esforzo» e dos que se amosa orgullosa, especialmente por telos obtido dende Galicia, «dende unha universidade de provincias». A pesares de que realizou durante o seu proceso de doutoramento estadías en prestixiosas universidades europeas e americanas, a súa idea sempre foi volver á casa, algo que non lle impediu liderar investigacións que aplican a Intelixencia Artificial para mellorar diagnósticos médicos. «Unha IA pode detectar sobre unha imaxe, sobre uns píxeles, erros ou problemas que antes tardábase máis tempo en diagnosticar. Os algoritmos eliminan a subxectividade e son obxectivos nos seus resultados», explica Bolón sobre as potencialidades que ten detectado como investigadora do CITIC, o Centro de Investigación en Tecnoloxías da Información e as Comunicacións da Universidade de A Coruña. «A detección de erros, de fallos, de anomalías é un dos principais atractivos da IA, sempre con control humano» sinalou ao alumnado a tamén docente universitaria.

IAGO GARCÍA / SENÉN ROUCO / JORGE GARCÍA

Anterior Siguiente