El tráficu ferroviariu ente Avilés y Pravia va parar el 27 y 28 de setiembre por obres de meyora
AGORA
Renfe ellaboró un plan de tresporte alternativu por carretera con orixe y/o destín ente dambes estaciones
26 sep 2019 . Actualizado a las 12:59 h.El tráficu ferroviariu ente Avilés y Pravia va parase'l 27 y 28 de setiembre poles obres d'acondicionamientu y meyora de la infraestructura qu'Adif ta faciendo na llinia d'anchu métricu C4f Xixón-Cuideiru. Les obres qu'Adif ta faciendo nesti tramu consisten na instalación de pieces prefabricaes de gran volume pal allongamientu del túnel artificial con oxetu de reforciar la estabilidá de la estructura al pasu de les circulaciones. Los trabayos van necesitar l'usu de grúes de gran tonelaxe.
Pa garantizar la continuidá del serviciu, Renfe programó un serviciu alternativu de tresporte per carretera pa los viaxeros con orixe y/o destín nes estaciones y apeaderos ente Avilés estación y Pravia, informa Europa Press. Nes estaciones intermedies punxeron cartelos col allugamientu de les paraes y horarios onde los autobuses van recoyer y van dexar a los viaxeros. Esta información tamién ta disponible en www.renfe.es. Nos autobuses que realicen los transbordos nun se van almitir animales de compañía nin bicicletes.