La Xunta pola Defensa de la Llingua analiza los nomes de les 207 estaciones de ferrocarril asturianes y cómo ADIF, Renfe y CTA nun respeten la llegalidá toponímica
29 dic 2020 . Actualizado a las 18:21 h.La Xunta pola Defensa de la Llingua Asturiana (XDLA) presenta l'Informe sobre l'incumplimientu de la toponimia oficial na rede de ferrocarril d'Asturies. Trátase d'un documentu qu'analiza los nomes de les 207 estaciones de ferrocarril asturianes y cómo ADIF, RENFE y CTA nun respeten la llegalidá toponímica.
Destacó la XDLA, qu'univaron l'informe a los responsables d'ADIF y RENFE, amás d'a miembros del Gobiernu asturianu, tanto de la Viceconseyería d'Infraestructures, Movilidá y Territoriu como de la Conseyería de Cultura, Política Llingüística y Turismu.
Recuerden que la reclamación de que s'use la toponimia oficial ye una reivindicación vieya de la XDLA, tanto en campañes como en presentación d'escritos y quexes a entidaes privaes y públiques. «Ye inaceptable que nun Estáu de derechu los organismos públicos nun respeten a sabiendes de la llegalidá», destaca la entidá, p'añadir qu'e pesar de la claridá llegal nesti tema, «la toponimia oficial d'Asturies incúmplese sistemáticamente».
La XDLA pidió aconceyar coles autoridaes competentes pa falar sobre esti informe y conocer les midíes que se van tomar pa solucionar «una situación que nun pue allargase más nel tiempu, más tovía depués de conocer que la intención del Executivu asturianu ye rematar el procesu d'oficialización de la toponimia tradicional enantes d'acabar el 2022», informa Europa Press.