Iniciativa pol Asturianu anima a conceyales y alcaldes a xurar el cargu n'asturianu
ASTURIAS
Amás, recuerden qu'esta llexilatura «ye un bon momentu pa poner en práctica una de les ferramientes más útiles y más cencielles de da-y promoción al idioma, usala de forma normal ente los y les representantes públicos»
10 jun 2019 . Actualizado a las 13:08 h.Iniciativa pol Asturianu afala a usar l'asturianu -o'l gallego-asturianu na so zona- nel so xuramentu o promesa a los 928 conceyales y 78 alcaldes que van tomar posesión de los sos cargos esti sábadu 15, informa Europa Press. «Esti xestu simbólicu ye una bona forma d'entamar los mandatos de les corporaciones teniendo presente la llingua propia d'Asturies», afirmó Iniciativa, y recuerden qu'esta llexilatura «ye un bon momentu pa poner en práctica una de les ferramientes más útiles y más cencielles de da-y promoción al idioma, usala de forma normal ente los y les representantes públicos».
Con too, espliquen qu'esti xestu tien d'acompañase «dende'l primer día» con midíes y iniciatives «pa meyorar la situación del asturianu nel ámbitu de los conceyos» en temes como la toponimia o los servicios de normalización. Nesi sentíu, Iniciativa señalana que tan preparando un documentu con midíes concretes.
