«Mirái la clasificación, ho»

Artículu d'opinión de Miguel Fernandi

Anquela Carlos Tartiere derbi Real Oviedo Sporting Gijon.Anquela anima a sus futbolistas frente al Sporting
Anquela anima a sus futbolistas frente al Sporting

Oviedo

Yo yera como Anquela. Yo nun miraba la clasificación de Segunda, yo nun sabía cuántos puntos tenía l’Oviedo, yo nun sabía qué otros equipos taben nel play-off d’ascensu. Por nun saber, munches veces llegaba’l llunes y nun sabía cómo quedaren los otros partíos de la categoría quitando’l Sporting.

Y yo nun sé si Anquela cambió de filosofía pero yo llevo tola fin de selmana mirando pa la clasificación y pendiente de casi tolos partíos que se xugaron el sábadu y el domingu. Sólo mirar pa ella y ver ónde ta l’Oviedo puede faceme ser optimista nesti momentu.

Tranquilos, yá me pasará. Cuando escribo estes llinies ye llunes pela nueche y tovía toi ‘plof’ de lo del vienres. Si, yá se que la culpa ye mía porque soi’l más optimista ente los optimistes, pero lo de Tenerife mancóme y decepcionóme. Y ver a Forlín nel medio’l prau, ¡pa qué negalo!

El que diga que los resultaos nun importen, miente. Sí, y escribílo va quince díes n’Azul Carbayón, la racha nun ye mala en cuanto a sensaciones pero cuando lleves cinco partíos ensin ganar la cosa ponse fea. Y más cuando nel últimu partíu nun salió nada de nada.

Y non, nun voi dicir eso de que l’Oviedo nun se presentó nel Heliodoro Rodríguez López porque sería mentir. L’Oviedo presentóse, corrió y peleó pero sólo fizo eso: presentase, correr y pelear. Faltó-y fútbol, ganar les segundes xugaes, defender bien y atacar meyor.

El bache ye innegable: dos puntos de los últimos quince. Como innegable ye qu’una victoria cámbialo too y más contra un rival directu como’l Granada. Y más tovía’l día del cumpleaños d’un güelu de 92 años con una salú como un carbayu (y nunca meyor dicho).

Pal que nun crea, pal que perdiera la fe, que faiga lo contrario de lo que diz Anquela. Que mire la clasificación y hasta’l calendariu, anque tea prohibío dir más allá del domingu qu’entra. Si tar a un puntu del play-off depués de cinco selmanes horribles de puntuación y con siete partíos de doce en casa nun val pa subir la moral… ¡Ciarramos el chiringu!

Valora este artículo

11 votos
Comentarios

«Mirái la clasificación, ho»