¿Atopes a Asturies nel mapa?

J.S. REDACCIÓN

ACTUALIDÁ

Mapa australiano
Mapa australiano

Los mapamundis nuevos que ruempen l'esquema tradicional Norte-Sur

14 oct 2019 . Actualizado a las 05:00 h.

Llámense mapes upside down, asitien el sur nel norte y son habituales n'Oceanía. Nellos, Australia ta allugada nel centru del mundu. Esti tipu de mapes ruempen una estructura mental que ta dictada pol hemisferiu norte. Y numberosos espertos sostienen que los mapes convencionales tienen un efectu psicolóxicu: el Norte enriba del Sur. El norte ricu frente a un sur venceyáu a la probitú. Dende la óptica australiana, la nuesa identificación de los países vuélvese más complexa y ruémpenos, a primer golpe de vista, los nuesos esquemes. ¿Pues atopar a Asturies nel mapa a primer vista? Si ye asina, norabona.

Mapa de EEUU
Mapa de EEUU

La perspectiva que se punxo a los mapes vien de Ptoloméu, que foi'l primeru en decidir la dicotomía Norte-Sur, anque dende un puntu de vista astronómicu, el polu sur podría ser el norte. Pero nos últimos años, esta visión eurocéntrica dio pasu a otres alternatives. Stuart McArthur foi quien creó'l mapa australianu, nel qu'Australia xira nel so mapa la exa vertical 180 graos.

Mapa surafricano
Mapa surafricano

Pero non solo asocede n'Australia. Nos Estaos Xuníos los escolares estudien un mapa nel que la exa vertical del mundu pasa al traviés d'EEXX, qu'apaez como una islla bañada pol Atlánticu y el Pacíficu. L'Ecuador muévese amás a la parte inferior del mapa. Tamién en China apuesten por un mapa propiu, chinocéntricu, y n'otros países como Sudáfrica, el mapa alluga al país africanu na parte cimera del mundu, con Rusia na periferia. N'Asturies, mentanto, siguimos utilizando'l mapamundi d'Europa como referencia. La exa vertical central escurre al traviés de Londres y l'exa Esti Oeste ta centráu sobre'l meridianu de Greenwich.