La manifestación pola oficialidá va a tener un bloque mozu

la voz UVIEU

ASTURIAS

La pancarta que encabeza la Marcha por la Oficialidá de 2018 en Oviedo
La pancarta que encabeza la Marcha por la Oficialidá de 2018 en Oviedo

Los integrantes del Bloque Mozu defenden la oficialidá como fonte de derechos pa tola población y como protección de tol patrimoniu

03 abr 2019 . Actualizado a las 17:41 h.

Organizaciones y colectivos de xente mozo van entamar un «bloque mozu» na manifestación pola oficialidá del 6 d'abril. Nesi sentíu, dende bloque mozu recuerden que les encuestes muestren que más del 86 por cientu de la mocedá asturiana ta a favor de la oficialidá.

Por eso, según señalen al traviés de nota de prensa, ye «perimportante que temos al altor d'esta reivindicación, con una manifestación histórica na que la mocedá sía protagonista». La convocatoria va ser esti sábadu na Plaza de L'Humedal (Xixón) a les 18.00 hores y ta entamada pola Xunta pola Defensa de la Llingua Asturiana.

Los integrantes del Bloque Mozu afirmen que la oficialidá pola que nagua la mocedá «nun ye d'imposición o adoctrinamientu, porque xusto nel llau de la imposición y l'adoctrinamientu ye onde se coloquen PP, Foru y Ciudadanos, xunto cola ultraderecha, negando un derechu democráticu y constitucional como ye la oficialidá».

Nesi sentíu, defenden la oficialidá como fonte de derechos pa tola población y como protección de tol patrimoniu. Amás, apunten que la mocedá sufre les «consecuencies de la desindustralización» y «tamién ta condenada a escaecer la so llingua», p'añadir que «lluchar poles nuestres llingües ye lluchar tamién pola nuestra tierra».

Per otru llau, tamién anunció la so participación na manifestación Iniciativa pol Asturianu, onde van llevar una pancarta col lema «Oficialidá, el camín constitucional de futuru pal asturianu». Nella esperan axuntar a representantes de tolos partíos políticos con representación parllamentaria, informa Europa Press