Preguntes pa seis partíos

MIGUEL FERNANDI OVIEDO

AZUL CARBAYÓN

Toche Real Oviedo Valladolid Carlos Tartiere.Toche se lamenta tras una ocasion
Toche se lamenta tras una ocasion Real Oviedo

Artículu d'opinión de Miguel Fernandi

25 abr 2018 . Actualizado a las 14:26 h.

Espera, para un poco. Si, yá se que lo del viernes foi duro. Toos salimos gachos del Tartiere, como si acabara'l mundu. L'Oviedo nun tuvo bien, nun ganó les segundes xugaes nin tuvo la intensidá necesaria pa ganar como sólo puede facelo l'Oviedo. Nun foi por nun correr, probablemente foi por nun correr bien. Nun foi por nun dir a la presión, probablemente foi por nun presionar bien.

Bueno, al final perdióse. Nun se diba ganar siempre que se suel dicir nestos casos. Pero, manín, ¿ye pa dexar de creer con metese en playoff? A dos puntos de la promoción, quedando seis partíos, sabiendo que si ganes el domingu vuelves ente los seis primeros seguro y ¿quies tirar la tobaya pela ventana? ¿O dexala en suelu del chigre ente'l serrín y la sidra como cuando-y cayó la bufanda al mio amigu José Antonio depués de perder 3-6 col Elche?

Non, yo nun te voi vender fumo como diz otru amigu míu, el gran Nacio González. Sí, hai partíos pa creer en que l'equipu puede facer esos 12 puntos de 18 que dicen les cuentes y hai otros que paez que ye meyor que desconecten al equipu de la competición. Agora, digo yo... ¿Cómo tarán en Tenerife onde tol mundu de la Segunda División comentaba que teníen una de les meyores plantiyes? ¿Qué sensaciones tendrán en Pamplona con un equipu recién descendíu y un de los presupuestos mayores? ¿Qué dirán en Valladolid que depués de ganar y bañate nel Tartiere tovía tan a más d'un partíu de metese ente los seis primeros? ¿Qué pensarán en Granada depués de tantos fichaxes, tantes perres gastaes y tantu fondu de compensación y resulta que tamién tan detrás tuya depués de que la Cultural-yos metiera dos goles en descuentu?

Y dalgún podrá contestame «¡y a mi que mio madre m'importa lo de los demás!». Y tendrá razón... Como tien razón el que diz que nun hai que mirar más allá de Soria pero frota les manes a escondíes col calandariu que tien l'Oviedo per delantre.

Y agora reconózlo, el sábadu nun queríes salir de casa pero lleva tola esta selmana pincándote'l niki con dir a Soria. ¿A qué sí? Somos tripolares por algo.